Adomah ready to aid Ghana's AFCON title campaign

1. Papadinho says:

   January 12, 2013 at 2:43 pm

   Ghana don waya Egypt 3-kondo, as dem dey continue to prepia for Nations Cup

   Dis na de fess of two ‘play-play’ match wey de Black Stars (na Ghana guyname be dat) go play bifor Nations Cup start, and de match bin too easy sef.

   Egypt don win Nations Cup seven tines, but dem no dey go South Africa for dis year own and dem kuku carri playas wey dem for no hail, if no be say dia ogbonge playas dem bin dey tap ball for dia club, Al Ahly, for Saudi Arabia.

   Ghana sha, jus name dia 23 playa wey go enta South Africa, and na Agyemang Badu, Boakye Yiadom and Asamoah Gyan bin score for dem, for de match wey dem play for Zayed Sports City stadium inside Abu Dhabi on Thursday nite.

   Ghana bin start de match wit playa wey neva too tap for dem, but na dem still show skills pass, even tho Egypt bin try show diasef small.

   Time jus dey reach 17minit, wen Ghana playa, Mubarak Wakaso, nasa beta freekick inside Egypt box. Emmanuel Agyemang Badu na im fess reach am, and hin header be like bullet wey Egypt goalie, Ahmed El Shennawy, no fit catch lailai. De goal na Agyemang numba 5, since he start to dey tap ball for Ghana.

   Ghana goalie, Fatai Dauda, bin catch ball small sha, as Egypt (na Pharaohs be dia guyname) dey try do ‘pass-pass’.

   Ghana midfilda, Anthony Annan, na im be skippo for de match, and he bin wound small around 30minit, bifor Derek boateng kukuma enta for am. Boateng come start to shoe hinsef for de match.

   Emmanuel Clottey sef bin comot as second haf wan start, and de tin shock all man, sake of say, na im dey show hinsef pass for training, but nobodi see hin acivity for match. Like say Ghana coachi bin sabi, he comot Clotttey, come put Richmond-Boakye Yiadom, and de guyman neva even siddon bifor hinsef come score as time reach 54minit for match.

   Yiadom dey play hin club futbal for Sassuolo (inside Italy. Abi na Italo dem dey call am for una area too?) and he disturb El Shennawy sotay, de goalie no fit clear ball well. De ball reach reach Kwadwo Asamoah and he dribble two playa, come pass de ball give Yiadom to score easy goal.

   Egypt coachi dem come vex, change many playa, but all na banza, becos Ghana still dey show demsef. Ghana coachi, Kwesi Appiah, come change hin own sef, as he carri Solomon Asante, Christian Atsu, Richard Kissi-Boateng and Asamoah Gyan enta de match.

   Na Gyan come kukuma finish Egypt. Christian Atsu colet ball for midfild, use Egypt playa, Omar Gaber, take play koso, bifor he troway ogbonge pass for Gyan. Egypt dey halla offside, but refree no gree and Gyan jus place ball inside net to make am 3-kondo.

   Na so match finish, but Ghana coachi, Kwesi Appiah, no hail hinsef. He still tok say Ghana musto tap ball pass dis one if dem wan carri Nations Cup.

   Ghana neva waya Egypt like dis since time Imo-river (Okay. Since 18 match, but e don tay sha)

   Egypt (4-3-1-2) Ahmed El-Shenawy; Omar Gaber, Mahmoud Fathallah, Wael Gomaa, Mohamed Abdel-Shafy/Islam Ramadan; Mohamed El-Nenny, Ibrahim Salah/Marwan Mohsen), Amr El-Suleya/Saleh Gomaa (45′); Mohamed Ibrahim/Sherif Ashraf); Ahmed Hassan Mekki, El-Sayed Hamdi/Amr Zaki (45′). Ghana (4-3-2-1) Fatau Duada; Harrison Afful/Solomon Asante (55′), Jerry Akaminko, John Boye, Kwadwo Asamoah; Emmanuel Agyemang-Badu/Christian Atsu (66′), Anthony Annan/Derek Boateng (27′), Mubarak Wakaso/Richard Kissi Boateng (74′); Rabiu Mohammed/Asamoah Gyan (79′), Albert Adomah, Emmanuel Clottey/Richmond Boakye (46′).

   Reply to this Comment
   • Assisi says:

     January 12, 2013 at 7:23 pm

     Pls write proper English. This is not the medium to write pigging English.

     Reply to this Comment